Գյումրու խաղերի մարզադպրոցում անցկացվեց Հայաստանի մարզերի, Երեւանի եւ Արցախի հանրակրթական դպրոցների 1-ից 3-րդ դասարանների միջեւ սպորտլանդիայի եզրափակիչ փուլը: Բացման արարողությանը ներկայացան տասը մարզերի, մայրաքաղաքի եւ Արցախի հաղթող թիմերը՝ տղաների ու աղջիկների 5-ական մասնակիցներով: Մրցումներին ներկա կրթության, գիտության, մշակույթի եւ սպորտի նախարարության սպորտի քաղաքականության վարչության պետ Նարինե Շահբազյանը կարեւորեց նմանաբնույթ սպորտլանդիաների դերն ու նշանակությունը: