Շվեդիան և Ֆինլանդիան Անկարային դեռ որևէ ահաբեկչի չեն հանձնել. Թուրքիայի արդարադատության նախարար

Թուրքիայի արդարադատության նախարար Բեքիր Բոզդաղը հայտնել է, որ Շվեդիան և Ֆինլանդիան դեռևս Անկարային չեն հանձնել ահաբեկչական գործունեության մեջ ներգրավված որևէ մարդու, որոնց արտահանձնումը նրանցից պահանջում է թուրքական կողմը:

«Մենք թարմացրել ենք արտահանձնման մասին մեր հարցումները, որոնք նախկինում մերժվել էին։ Առայժմ դրանց ո՛չ դրական, ո՛չ բացասական պատասխան չկա»,- ասել է նախարարը:

Թուրքիայի իշխանություններն ավելի վաղ հայտարարել էին, որ ՆԱՏՕ-ի գագաթնաժողովի շրջանակում դաշինքին անդամակցելու վերաբերյալ Շվեդիայի և Ֆինլանդիայի հետ ստորագրված հուշագիրը վերջնական բնույթ չի կրում, և Թուրքիայի խորհրդարանը կարող է չվավերացնել դրանք, եթե Ստոկհոլմն ու Հելսինկին չկատարեն դրանում ամրագրված պարտավորությունները ահաբեկչական կազմակերպություններին հակազդելու վերաբերյալ:

Related posts

Սևանի կողակի վերականգնման ուղղությամբ հաջողություններ ունենք. Հակոբ Սիմիդյան

Էրեբունի փողոցի «Պիցցա Տաշիր»-ում «Կեսար» և «Մայրաքաղաքային» աղցանների արտադրությունը կասեցվել է. ՍԱՏՄ

Ավարտվել է Մերձավանում սպանություն կատարած անձի վերաբերյալ քրեական վարույթի նախաքննությունը