Ախուրյանի համայնքապետարանում մեկնարկել է պարարտանյութի սուբսիդավորման ծրագրի մասնակցության փաստաթղթերի հավաքագրումը։ Պատասխանատուները նշում են՝ առաջին օրերին հերթեր էին համայնքապետարանում, հիմա գործընթացը գրեթե մոտենում է ավարտին։ Տիգրան Մաթեւոսյանը հայտ է ներկայացրել հենց 3 հեկտար հողատարածքի համար։ Ասում է՝ կեսը հացահատիկ, մյուս կեսը կարտոֆիլ է ցանելու։ Թե ինչ պարարտանյութ է նախընտրում, դեռ չգիտի, որովհետեւ շուկայում գները խիստ տարբեր են։