Քրեական ոստիկանության Շիրակի մարզային վարչությունում ստացվել էր տեղեկություն, որ Հովունի գյուղի բնակիչ 35-ամյա տղամարդը տանն ապօրինի պահում է զինամթերք:
Նոյեմբերի 13-ին տղամարդը ձերբակալվել է ու տեղափոխվել վարչություն: Նա հաստատել է, որ իրավապահների տեղեկությունը ճիշտ է:
Շիրակի մարզային քննչական վարչությունում նախաձեռնվել է քրեական վարույթ, որի շրջանակում 35-ամյա տղամարդու տանը կից խորդանոցում կատարված զննությամբ հայտնաբերվեց «Ֆ-1» տեսակի նռնակ՝ պայթուցիչով, սվին-դանակ և ինքնաձիգի 19 փամփուշտ։
Տղամարդը տեղափոխվել է ձերբակալվածների պահման վայր: Հանգամանքները պարզվում են։