Սեպտեմբերի 17-ին Շիրակի մարզի Ազատան գյուղի բնակչուհին զանգել էր ոստիկանություն և հայտնել, որ արհեստանոցից գողացել են գործիքներ։
Ոստիկանության Ախուրյանի բաժնի օպերատիվ խումբը Ազատան գյուղի 28-րդ փողոցի ավտոտնակներից մեկում արձանագրել էր, որ գողացել են եռակցման սարք, պտտասղոց, շաղափ ու բենզասղոց։ Պատճառվել էր շուրջ 150 հազար դրամի նյութական վնաս։
Դեպքի առթիվ հարուցվել էր քրեական գործ։
Ոստիկանների աշխատանքը արդյունք տվեց դեպքից ամիսներ անց։
Ոստիկանության Ախուրյանի բաժնի ծառայողները պարզեցին, որ գողությունը կատարել է Ազատան գյուղի 45-ամյա մի բնակիչ։
Ոստիկանությունում կասկածյալը տվեց խոստովանական բացատրություն։
Գողոնը հայտնաբերվել է։
Քննությունը շարունակվում է։
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: