Քրեակատարողական ծառայությունում ամփոփվել են 2025 թվականի առաջին կիսամյակի գործունեության արդյունքները։ ՔԿԾ-ի փոխանցմամբ՝ հաշվետու ժամանակահատվածում Ծառայությունը քրեակատարողական հիմնարկներում իրականացրել է մեծածավալ շինվերանորոգման և բարեկարգման աշխատանքներ ազատազրկված անձանց պահման և անձնակազմի աշխատանքային պայմանները բարելավելու ուղղությամբ։
Այսպես՝ «Աբովյան» քրեակատարողական հիմնարկում վերանորոգվել են․
- ուսումնական կենտրոնը, լսարանները, արհեստագործական ուսումնական սենյակները.
- գրադարանը, մարզադահլիճը, միջոցառումների դահլիճը.
- ընդհանուր լոգասենյակը.
- վարչական մասնաշենքի ուսումնական սենյակը.
- կառուցվել է հենաշարժողական խնդիրներ ունեցող անձանց համար խուց։
«Արթիկ» քրեակատարողական հիմնարկում վերանորոգվել են․
- մասնաշենքերի միջանցքներ, մարզասրահներ.
- 7 կացարան, 3 խուց, 3 պատժախուց.
- 4 սանհանգույց, լոգասենյակ.
- սննդի պահման սենյակներ.
- սոցիալ-հոգեբանի աշխատասենյակ։
«Վանաձոր» քրեակատարողական հիմնարկում վերանորոգվել են․
- 3 խուց, կարանտինային մասնաշենքի 2 խուց և միջանցքը, 2 կացարան.
- սանհանգույցներ, լոգարան.
- առաջին հարկի միջանցքները, քննչական գործողությունների համար նախատեսված 3 սենյակ։
«Երևան-Կենտրոն» քրեակատարողական հիմնարկում վերանորոգվել են․
- մարզասրահ.
- լոգասենյակ։
«Արմավիր» քրեակատարողական հիմնարկում վերանորոգվել են․
- կարճատև տեսակցությունների սենյակ, մանկական սենյակ, 2 խուց.
- սպասասրահը, հանձնուքների ընդունման սենյակը, օպերատիվ կառավարման սենյակը, բժշկական քարտադարանի սենյակը։
«Վարդաշեն» քրեակատարողական հիմնարկում վերանորոգվել են․
- 1 խուց, կարանտինային 3 խուց և միջանցք.
- երկարատև տեսակցությունների սենյակ, ճաշասենյակը.
- աշխատասենյակներ, հանգստի սենյակ, նախամուտք, զինանոց, միջանցք։
«Սևան» քրեակատարողական հիմնարկում վերանորոգվել են․
- ջեռուցման կաթսան, ջրի ծորակներ, ցնցուղներ.
- մոնտաժվել է 500 գծամետր խմելու ջրի ջրագիծ։
«Նուբարաշեն» քրեակատարողական հիմնարկում վերանորոգվել են․
- 10 խուց, երկարատև տեսակցությունների սենյակ.
- նոր կահույքով կահավորվել է երկարատև տեսակցությունների 2 սենյակ։