Ննջարաններից գողացել էին 7 միլիոն դրամից ավելի փող

Օգոստոսի 26-ին, ժամը 3-ի սահմաններում, ոստիկանության Սևանի բաժնում Ծաղկունք գյուղի մի բնակչուհի հաղորդում էր տվել, որ նախորդ օրն իրենց տնից գողություն է կատարվել:
Օպերատիվ խումբը մեկնել էր դեպքի վայր: Պարզվել էր՝ տեխնիկական միջոցների գործադրմամբ բացել են պատուհանը և ննջասենյակից գողացել 4.480.000 դրամ:
Բացահայտման ուղղությամբ ձեռնարկված անհետաձգելի միջոցառումների արդյունքում քրեական հետախույզները տեղեկություններ ստացան, որ բնակարանային գողությունը հնարավոր է կատարած լինեն նույն գյուղում բնակվող երեք երիտասարդ:
Հաղորդումից ժամեր անց կասկածյալները բերման ենթարկվեցին ոստիկանության Սևանի բաժին և խոստովանեցին կատարածը:
Իրավապահները պարզել են նաև, որ նրանք մարտի 10-ին նույն գյուղի մեկ այլ առանձնատան ննջարանից 3.160.000 դրամ, 700 ԱՄՆ դոլար, 150 եվրո են գողացել:
Բերման ենթարկված երիտասարդները ձերբակալվել են:
Ձեռնարկվում են միջոցառումներ` գողոնը հայտնաբերելու ուղղությամբ:
Հարուցված քրեական գործի նախաքննությունը շարունակվում է:

`

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Related posts

Հաճախակի են դառնում դեպքերը, երբ օձերին վնասում են՝ լրջորեն վտանգելով և՛ իրենց, և՛ կենդանիների կյանքը․ ՇՄՆ զգուշացումը

Հրդեհ Առնո Բաբաջանյան փողոցի նորակառույց չբնակեցված շենքերից մեկում

Արման Խաչատրյանը համատեղության կարգով նշանակվել է Մոնակոյում ՀՀ դեսպան