«Քաղաքացիական պայմանագիր» կուսակցության նախընտրական ցուցակը գլխավորող, ՀՀ վարչապետի պաշտոնակատար Նիկոլ Փաշինյանն այսօր քարոզարշավի շրջանակում եղել է Շիրակի մարզում: Մեծ Մանթաշ, Սարալանջ, Արթիկ եւ այլ քաղաքային ու գյուղական բնակավայրերում Նիկոլ Փաշինյանին դիմավորել են աղուհացով, Մեծ ոգեւորությամբ: Նիկոլ Փաշինյանը շատ դրական քայլ է համարում Ադրբեջանի վերահսկողության տակ անցած տարածքում հայտնված հայ զինծառայողի վերադարձը եւ վերաթարմացնում է իր՝ նախկինում արած առաջարկը` բոլոր հայ գերիների վերադարձի դիմաց որդուն` Աշոտ Փաշինյանին պատանդի կարգավիճակով հանձնել Ադրբեջանին: Փաշինյանն այս մասին խոսել է Շիրակի մարզի Մեծ Մանթաշ համայնքում բնակիչների հետ հանդիպմանը: