ՆԱՏՕ-ի գլխավոր քարտուղար Մարկ Ռյուտեն Ուկրաինա է ժամանել չորեքշաբթի՝ հունիսի 3-ին: Գլխավոր քարտուղարի մամուլի խոսնակի տվյալով՝ նրան ուղեկցում են դաշինքի անդամ երկրների դեսպանները: Նա նշել է, որ Կիև է ժամանել Հյուսիսատլանտյան խորհրդի՝ ՆԱՏՕ-ի բարձրագույն քաղաքական որոշումներ կայացնող մարմնի ամբողջ կազմը: Ընդ որորւմ, դեսպանների մակարդակով հանդիպում լինում է շաբաթը առնվազն մեկ անգամ:

Անվտանգության նկատառումներից ելնելով՝ ՆԱՏՕ-ի ներկայացուցիչները հրաժարվել են մեկնաբանել այցի ճշգրիտ ժամանակացույցը: Ուկրաինայի արտաքին գործերի նախարար Անդրիյ Սիբիհան X սոցիալական ցանցում հայտարարել է, որ Ռյուտեն բանակցություններ կվարի Ուկրաինայի նախագահ Վոլոդիմիր Զելենսկու հետ, կլինեն այլ կարևոր հանդիպումներ:

ՆԱՏՕ-ն ներկայումս աջակցություն է ցուցաբերում Ուկրաինային, մասնավորապես՝ PURL (Ուկրաինայի առաջնահերթ պահանջների ցանկ) ծրագրի միջոցով, որը ենթադրում է եվրոպական դաշնակիցների ու Կանադայի կողմից ԱՄՆ-ից ռազմամթերքի և զենքի գնում ու դրանց հետագա փոխանցում Կիևին: