Խորը ցավով տեղեկացա Ահմեդաբադի օդանավակայանում ուղևորատար ինքնաթիռի կործանման մասին՝ հայտարարել է ՀՀ արտգործնախարար Արարատ Միրզոյանը:
«Իմ անկեղծ ցավակցությունն եմ հայտնում Հնդկաստանի արտգործնախարար Սուբրամանյամ Ջայշանկարին և Հնդկաստանի բարեկամ ժողովրդին: Ուժ եմ մաղթում բոլոր նրանց ընտանիքներին, ովքեր տուժել են այս սրտաճմլիկ վթարից»,- նշել է նախարարը X-ի իր միկրոբլոգում:
Ավելի վաղ հայտնել էինք, որ Հնդկաստանի Ահմեդաբադ քաղաքի օդանավակայանից ոչ հեռու կործանվել է «Air India» ավիաընկերության ուղևորատար ինքնաթիռը: Օդանավում եղել է 242 մարդ՝ 230 ուղևոր և անձնակազմը: Ըստ տեղական ոստիկանության նախնական տվյալների՝ բոլորը զոհվել են: