Միջազգային իրավական հարցերով ՀՀ ներկայացուցչի գրասենյակից հայտնում են՝ քննարկում են Ադրբեջանի կողմից Լաչինի միջանցքը փակելու վերաբերյալ միջազգային իրավական մեխանիզմների գործարկման հնարավորությունը: Այս մասին հայտնում են գրասենյակի լրատվական ծառայությունից:
«Հաշվի առնելով, որ վերջին երկու օրերի ընթացքում Ադրբեջանի կողմից Լաչինի միջանցքով քաղաքացիների, տրանսպորտային միջոցների և բեռների երթևեկության արգելափակումը առաջացնում է Արցախի բնակիչների մի շարք հիմնարար իրավունքների խախտումներ՝ Միջազգային իրավական հարցերով ներկայացուցչի գրասենյակը քննարկում է միջազգային իրավական մեխանիզմների գործարկման հնարավորությունը:
Ձեռնարկած քայլերի մասին կհայտնենք լրացուցիչ»,-նշվում է հաղորդագրությունում: