Մերձդնեստրը Մոլդովային կոչ է արել ճանաչել տարածաշրջանի անկախությունը

Մերձդնեստրի չճանաչված հանրապետության իշխանությունները կոչ են արել Քիշնևին՝ ճանաչել տարածաշրջանի անկախությունը: Այն հրապարակվել է ԵՄ-ին անդամակցելու Մոլդովայի որոշումից հետո՝ գրում է ՏԱՍՍ-ը։

Երեկ նախագահ Մայա Սանդուն հայտարարել էր, որ Մոլդովան Եվրամիությանն անդամակցելու հայտ է ներկայացնում՝ ապագա սերունդների համար արժանապատիվ կյանք ապահովելու համար:

«Մենք կոչ ենք անում մոլդովական կողմին՝ երկխոսություն սկսել Մերձդնեստրի հետ՝ երկու անկախ պետությունների խաղաղ, բարիդրացիական գոյության վրա հիմնված հարաբերությունները վերջնական քաղաքակիրթ կարգավորման բերելու համար»,- ասվում է Մերձդնեստրի չճանաչված հանրապետության արտգործնախարարության՝ ուրբաթ տարածած հայտարարության մեջ։

Փաստաթուղթը նաև կոչ է անում ՄԱԿ-ին և միջազգային հանրությանը՝ ճանաչել ավելի քան երեսուն տարի գոյություն ունեցող հանրապետությունը և ապահովել Մերձդնեստրի ժողովրդի ինքնորոշման իրավունքը։ Արտաքին գործերի նախարարությունը հիշեցրել է 2006 թվականի հանրաքվեի արդյունքները, որի ժամանակ բնակչության 97%-ը կողմ է քվեարկել Մոլդովայից անկախանալու և հետագայում Ռուսաստանին միանալու որոշմանը:

Related posts

Վերջին 3 օրերին վրացական Գեզի մաքսակետից դուրս է եկել և Վերին Լարս է գնացել կոնյակով բեռնված 69 բեռնատար

Այս անգամ մեդիատեռորիստների ձեռքերը հասել են ֆրանսիական մամուլին. Վահագն Ալեքսանյան

Ֆրանսիական ընկերության կողմից իբրև թե Հայաստան տեղափոխված միջուկային վառելիքի թափոնների վերաբերյալ հոդվածը ապատեղեկատվություն է. ՇՄ նախարարություն