Ֆրանսիայի նախագահ Էմանուել Մակրոնը Ուկրաինայի նախագահ Վոլոդիմիր Զելենսկու հետ հեռախոսազրույցից հետո հայտնել է Ռուսաստանի նկատմամբ ճնշումը մեծացնելու մտադրության մասին:
«Միասին մենք ուժեղացնում ենք ճնշումը Ռուսաստանի վրա, որպեսզի հասնենք անվերապահ հրադադարի և բանակցություններ սկսենք հանուն արդար և կայուն խաղաղության»,- նշել է Ֆրանսիայի նախագահը X-ի իր միկրոբլոգում:
Մակրոնի խոսքով՝ Ուկրաինային ցուցաբերվող աջակցությունը շարունակում է առաջնային մնալ Փարիզի և նրա գործընկերների համար:
Ֆրանսիայի նախագահը նաև ողջունել է Ռուսաստանի դեմ Եվրամիության պատժամիջոցների նոր փաթեթը՝ այն որակելով աննախադեպ: