Լեռնային Ղարաբաղի մարդասիրական արձագանքման միջգերատեսչական կենտրոնը, անհրաժեշտության դեպքում, կօգնի Հայաստանի և Ադրբեջանի կառավարական մարմիններին փոխհամագործակցություն հաստատել միջազգային մարդասիրական կազմակերպությունների և միմյանց միջև, ասել է ՌԴ նախագահ Վլադիմիր Պուտինը:
Ուրբաթ նա հանդիպում է անցկացրել Ղարաբաղի շրջանում մարդասիրական հիմնախնդիրների լուծման վերաբերյալ և, այս հանդիպման շրջանակներում հայտարարել է կենտրոնի ստեղծման մասին, որը, նաև կզբաղվի փախստականների վերադարձի խնդրով: Նախագահը նշել է, որ կենտրոնը համագործակցելու է նաև Ադրբեջանի և Հայաստանի պետական մարմինների հետ ՝ քաղաքացիական ենթակառուցվածքները վերականգնելու և Ղարաբաղում բնականոն կյանքի պայմաններ ստեղծելու համար:
«Կենտրոնը… կհամակարգի պետական գերատեսչությունների աշխատանքը և, հուսով եմ, որ հասարակական կազմակերպությունները մարդասիրական օգնություն կցուցաբերեն պատերազմից տուժած տարածքների բնակիչներին. օգնություն կցուցաբերեն Ադրբեջանի և Հայաստանի կառավարական մարմիններին, եթե նրանց, իհարկե, դա անհրաժեշտ է, բայց ինձ թվում է, որ նման օգնությունը շատ օգտակար կլինի՝ հաշվի առնելով հանրապետությունների միջև հարաբերությունների բարդ նախապատմությունը՝ միջազգային մարդասիրական կազմակերպությունների և միմյանց միջև փոխգործակցության հաստատման գործում», – հայտարարել է Պուտինը: