Անցած գարնանը՝ ապրիլին, Ազգային ժողովը փոփոխություն կատարեց «Առեւտրի եւ ծառայությունների մասին» օրենքում։ Այսօր այն արդեն գործի է դրվել. 30 հզ դրամ տուգանք՝ պոլիէթիլենային տոպրակով ապրանք վաճառելու դեպքում օրենքն ուժի մեջ է 2022-ի հունվարի 1-ից: Համաձայն փոփոխության՝ 2022 թ. հունվարի 1-ից առեւտրի օբյեկտներում եւ առեւտրի իրականացման վայրերում արգելվում է մինչեւ 50 միկրոն հաստությամբ պոլիէթիլենային տոպրակների վաճառքը։ Այն տնտեսվարողները, որոնք 2022թ հունվարի 1-ից կշարունակեն մինչեւ 50 միկրոն հաստությամբ պոլիէթիլենային տոպրակների օգտագործումը՝ բացառությամբ երկրորդային հումքից պատրաստված տոպրակների ու պարկերի, ինչպես նաեւ կշռափաթեթավորման համար նախատեսված պարկերի, կենթարկվեն վարչական տույժի: