ԵՊԿ ԳՄ-ի հիմնադրման 25-ամյակին զուգընթաց բուհն իրականացնում է «Ժամանակակից կոմպոզիտորները եւ կատարողները Գյումրիում» խորագրով միջոցառումների շարք: Այս անգամ Գյումրու տեխնոլոգիական կենտրոնում կայացավ անվանի կոմպոզիտոր, ՀՀ արվեստի վաստակավոր գործիչ Երվանդ Երկանյանի հեղինակային երեկոն: Հնչեցին կոմպոզիտորի ստեղծագործությունները ԵՊԿ Գյումրու մասնաճյուղի ուսանողների, Գյումրու պետական սիմֆոնիկ նվագախմբի եւ Գյումրու Հայորդյաց տան «ԱԿՆԷ» երգչախմբի կատարմամբ: