Հայաստանի հունահռոմեական ոճի ըմբշամարտի երիտասարդական հավաքականը փայլուն է հանդես եկել Իրանի Ռաշտ քաղաքում կայացած Շահիդ Հասան Աշուրիի անվան գավաթի 15-րդ խաղարկությունում:
Ինչպես տեղեկացնում է Հայաստանի ըմբշամարտի ֆեդերացիայի մամուլի ծառայությունը, մեր ըմբիշներ Հոմերոս Առաքելյանը (55 կգ), Սուրեն Աղաջանյանը (60 կգ) և Վիգեն Նազարյանը (87 կգ) իրենց քաշային կարգերում գրավել են առաջին տեղը և արժանացել ոսկե մեդալներ:
Ալբերտ Վարդանյանը (130 կգ) և Աշոտ Մանուկյանը (60 կգ) դարձել են արծաթե մեդալակիր: Բրոնզե մեդալ են նվաճել 67 կգ քաշային Աշոտ Խաչատրյանը և Վարուժան Անտոնյանը (63 կգ):
Թիմային հաշվարկով Հայաստանի ընտրանին զբաղեցրել է 2-րդ տեղը: