Մարզական Շիրակն ու Գյումրին այսուհետ ներկայացնելու է նորաստեղծ «Հայասան»: Աղջիկների ֆուտբոլային ակումբ՝ իր ամբիցիաներով ու հեռուն տանող նպատակներով: Կազմված է տարածաշրջանի ֆուտբոլիստուհիներով, որոնց միացել են լեգեոներներ Ուկրաինայից եւ Ղազախստանից: Ֆուտբոլային յուրօրինակ «միքս», որն արդեն պատրաստ է լուծել լուրջ առաջադրանքներ: Ակումբի նախագահն է Արտակ Գյոլեցյանը: Վաղուց է սպորտի մեջ, ֆուլ-կոնտակ կարատեի աշխարհի չեմպիոնը սահուն անցումը արեւելյան մարտարվեստից դեպի ֆուտբոլ համարում է հետաքրքիր մարտահրավեր: