ՌԴ նախագահ Վլադիմիր Պուտինի ծրագրերում դեռևս նախատեսված չեն շփումներ Հայաստանի վարչապետ Նիկոլ Փաշինյանի հետ, ասել է ՌԴ ղեկավարի մամուլի քարտուղար Դմիտրի Պեսկովը։ Այս մասին գրում է ՌԻԱ «Նովոստի»-ն:
«Ոչ, այս պահին գրաֆիկում ամենաբարձր մակարդակով շփումներ չկան, բայց անհրաժեշտության դեպքում, իհարկե, կարող են լինել, հեռախոսազրույցները կարող են բավականին արագ կազմակերպվել», – լրագրողներին ասել է Պեսկովը։