Կրասնոդարը մայիսի 26-ի գիշերը ենթարկվել է անօդաչու թռչող սարքերի հարձակման։ Քաղաքի վրա գործել է հակաօդային պաշտպանության համակարգը, սակայն մեկ անօդաչու թռչող սարք պայթել է՝ բախվելով Մորսկայա փողոցում գտնվող գրասենյակային շենքին։
Օպերատիվ շտաբը հաստատել է քաղաքում տեղի ունեցած պայթյունը։ Դեպքի վայր ժամանած արտակարգ իրավիճակների ծառայությունը հրդեհ չի հայտնաբերել, սակայն արձանագրել է տանիքի և պատուհանների վնաս:
Կրասնոդարի քաղաքապետ Եվգենի Նաումովը հայտնել է, որ պատահարի հետևանքով զոհեր և վիրավորներ չկան: Նա բնակիչներին հորդորել է հանգստություն պահպանել:
Նախկինում ռուսական առողջարանային քաղաքն Ուկրաինայից հարձակման չէր ենթարկվել: