Արթիկ խոշորացված համայնքի Սարատակ բնակավայրը 800 հեկտարից ավելի մշակվող հողատարածքներ ունի, դրանից 200 հեկտարը միայն նախորդ աշնանը ցորեն է ցանվել: Տարին անբարենպաստ էր, եղանակը՝ շոգ, բայց բերքից չի դժգոհում սարատակցի Հովհաննես Պետրոսյանը:
Հողագործը, որ նաեւ գյուղի մեխանիզատորն է, նշում է՝ դիզվառելիքն է թանկ, սերմացուն, պարարտանյութը, դրա համար է, որ վերջնական արդյունքը գյուղացու համար գոհացնող չէ: Մեկ հեկտարի համար ծախսը տատանվում է 250-300 հազար դրամի շրջանակում, վերջում էլ մոտավորապես այդքան եկամուտ է ստացվում: