Լեռնային Ղարաբաղում էլեկտրամատակարարման համակարգն ամբողջովին վերականգնվել է։ Այս մասին տեղեկացնում է «ՌԻԱ Նովոստի» գործակալությունը՝ հղում տալով ՌԴ պաշտպանության նախարարությանը։
«Խաղաղապահների օգնությամբ ամբողջովին վերականգնվել է էլեկտրամատակարարման համակարգը: Դրա համար կատարվել են 18 կիլոմետր էլեկտրահաղորդման գծերի և 50 հենասյուների նորոգումներ: Շուրջ 12 000 բնակչությամբ 24 բնակավայրերում վերականգնվել է անխափան էլեկտրամատակարարումը»,-ասած է հաղորդագրության մեջ:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները Լեռնային Ղարաբաղում ռուս խաղաղապահների տեղակայման շուրջ պայմանավորվածություն են ձեռք բերել, ստորագրվել է հայտարարություն, որով Ադրբեջանին են անցնում Արցախի յոթ շրջանները, Շուշին ու Հադրութը` բացառությամբ մի գյուղի, գյուղեր Ասկերանի ու Մարտունու շրջանից, ինչպես նաև Մարտակերտի շրջանի Թալիշ և Մատաղիս գյուղերը։