Ժամանակակից աշխարհում երկրները բախվում են ապատեղեկատվական արշավների. ՀՀ պատվիրակությունը՝ ԵԽԽՎ-ի նիստին

ԵԽԽՎ-ում «Արտաքին միջամտություն․ սպառնալիք Եվրոպայում ժողովրդավարական անվտանգությանը» թեմայով նիստին ելույթ է ունեցել ՀՀ ԱԺ պատվիրակության անդամ Սոնա Ղազարյանը:
Նա մտահոգություն է հայտնել, որ ժամանակակից աշխարհում երկրները բախվում են ապատեղեկատվական արշավների, կիբերհարձակումների, որոնց նպատակն է բևեռացնել և ապակայունացնել բաց հասարակությունները:
«Ավելանում է մտահոգությունն այն մասին, թե ինչպես են TikTok-ը և այլ հարթակներ ազդում ընտրությունների արդյունքների վրա: Varieties of Democracy նախաձեռնությունն արձանագրել է, որ արտաքին միջամտությունն առկա է նաև Հայաստանում», – նշել է Սոնա Ղազարյանը, ընդգծել օրենսդրական համապատասխան նախաձեռնությունների և մեդիագրագիտության զարգացման կարևորությունը:
Նույն թեմայով ելույթ է ունեցել ՀՀ ԱԺ պատվիրակության անդամ Վլադիմիր Վարդանյանը: Նա մտահոգություն է հայտնել, որ մեդիահոսքերի ավելացման, արհեստական բանականության կիրառման, deepfake-ի պատճառով գրանցվում են տարբեր երկրների ներքին գործերին հնարավոր միջամտության դեպքեր։
Միևնույն ժամանակ, ըստ Վարդանյանի, չեն վերացել նաև ռազմական ճանապարհով տարբեր երկրների գործերին միջամտելու փորձերը: Նա հավելել է, որ հիբրիդային պատերազմները կարող են ավելի վտանգավոր միջավայր ստեղծել աշխարհում։

Related posts

ՊԵԿ նախագահը՝ շրջհարկի փոփոխությունների առնչությամբ քաղաքացիների դժգոհությունների մասին

Լոս Անջելեսում միգրացիոն քաղաքականության դեմ անցկացվող բողոքի ցույցերը վերաճել են լարված բախումների

Պաշտոնատար անձի ուղղորդմամբ քաղաքացին սուտ ցուցմունք է տվել. քրեական վարույթի նյութերը դատարանում են