Դոնալդ Թրամփը հայտարարել է, որ ուրախ կլիներ տեսնել Ռուսաստանի և Չինաստանի նախագահներին Մայամիում 2026 թվականին նախատեսված G20-ի գագաթնաժողովին: «Եթե նրանք ցանկանում են, կարող են մասնակցել որպես դիտորդներ»: ԱՄՆ նախագահը չի բացատրել՝ ինչ նկատի ունի՝ «դիտորդներ» ասելով, քանի որ Ռուսաստանը և Չինաստանը G20-ի անդամներ են։
Սպիտակ տան ղեկավարն անդրադարձել է նաև ռուս-ուկրաինական հնարավոր կարգավորմանը: Թրամփը շեշտել է՝ պատերազմը պետք է ավարտվի, այլապես դրա համար շատ բարձր գին պետք կլինի վճարել: «Ես 7 հակամարտություն եմ կանգնեցրել, և նույնը կլինի ուկրաինականի դեպքում», – հավելել է ԱՄՆ նախագահը։ Նրա խոսքով՝ Եվրոպան ցանկանում է, որ ռուս-ուկրաինական հակամարտությունը կարգավորվի, ուստի մեծ դեր կխաղա Կիևին անվտանգության երաշխիքներ տրամադրելու գործում։
Ի դեպ, Կիևն արձագանքել է Պուտինի առաջարկին՝ բանակցություններն անցկացնել Մոսկվայում, խոստանալով 100 տոկոսով ապահովել Զելենսկու անվտանգությունը:
Ուկրաինայի նախագահը հայտարարել , որ չի պատրաստվում գնալ նման քայլի: Փոխարենը նա Պուտինին առաջարկել է մեկնել Կիև: