Ալեքսան Հակոբյանի անվան թենիսի եւ սեղանի թենիսի մանկապատանեկան մարզադպրոցի թենիսիստները, հաշվի առնելով եղանակային անբարենպաստ պայմանները, տեղափոխվել են թիվ 30 դպրոցի մարզադահլիճ ու մինչեւ ապրիլի սկզբները մարզումները կշարունակեն փակ տարածքում: Սակայն դա բնավ չի նշանակում, որ պարապմունքները հագեցված ու նպատակային չեն կարող լինել: Մարզօջախի ուսմասվար Աշոտ Սարգսյանն ընդհանուր առմամբ դժգոհ չէ ընթացիկ մրցաշրջանի մրցանակային արդյունքներից, այդուհանդերձ, Հայաստանի պաշտոնական առաջնության ոչ մի տարիքային խմբում դեռ ոսկե մեդալ նվաճել չի հաջողվում: