Ընթերցասեր հասարակության դատին հանձնվեց մասնագիտությամբ լրագրող ու բանասեր Հայկուհի Գյոդակյանի ստեղծագործությունների առաջին ժողովածուն:Հայկուհին ստեղծագործել սկսել է վաղ հասակից տարբեր ժանրերում՝ դրանց առանցքում ունենալով սերը հայրենի բնության, ծննդավայրի հանդեպ։ Հայկուհի Գյոդակյանի գիրքը լի է հայ դասական գրականության ազդեցությամբ ՝ բառապաշարով, գեղարվեստական հնարքներով , նույնիսկ նկարագրություններով: Երիտասարդ ստեղծագործողը գիրքը սկսել է գրել 2020թ-ին, ընթացքում համավարակն ու պատերազմը պատճառ են դարձել ստեղծագործական դադարի։ Մեկ տարի անց վերսկսել է զբաղվել առաջին գրքի տպագրությամբ։