Այսօր Գյումրիում էր «Հայաստան» համահայկական հիմնադրամի տնօրենը: Հայկակ Արշամյանը Շիրակի մարզպետի ու Գյումրու համայնքապետի ուղեկցությամբ ծանոթացավ հիմնադրամի միջոցներով Մուշ թաղամասում իրականացվող շինաշխատանքներին: Աշխարհասփյուռ հայության ու նաեւ բազմաթիվ երկրներից հանգանակած միջոցներով թաղամասում կառուցվում են երկու բազմաբնակարան շենք եւ մանկապարտեզ: Աշխատանքների ընթացքն ու որակը, ըստ հիմնադրամի տնօրենի, գոհացուցիչ են: