2026 թվականի առաջին կեսին ԵՄ երկրները Ռուսաստանի Յամալի գործարանից ներմուծել են ռեկորդային քանակությամբ հեղուկացված բնական գազ (LNG): Այս մասին երկուշաբթի՝ հուլիսի 13-ին, հայտնել է Financial Times (FT)-ը՝ հղում անելով Kpler վերլուծական ընկերության տվյալներին:

Վերլուծաբանների հաշվարկներով՝ վերջին վեց ամսում ԵՄ երկրները ձեռնարկությունից ձեռք են բերել 9,89 մլն տոննա հեղուկացված բնական գազ, որը 18 տոկոսով ավելի է, քան նախորդ տարվա նույն ժամանակահատվածում։ Գերմանական Urgewald ոչ կառավարական կազմակերպությունը գնած գազի արժեքը գնահատում է մոտ 6 մլրդ եվրո: Ռուսական LNG-ի հիմնական գնորդներն են Ֆրանսիան, Բելգիան և Իսպանիան:

FT-ն գրում է, որ 2027 թվականի հունվարի 1-ից ուժի մեջ կմտնի երկարաժամկետ պայմանագրերով ռուսական LNG-ի ներմուծման ամբողջական արգելքը։ ԵՄ-ն արդեն արգելել է կարճաժամկետ պայմանագրերով գնումներ կատարել։ 2027-ին ուժի մեջ կմտնի նաև ՌԴ-ից ԵՄ խողովակաշարային գազի մատակարարման արգելքը։