Վերաքննիչ հակակոռուպցիոն դատարանը բավարարել է դատախազի բողոքը, և Գյումրու նախկին քաղաքապետ Սամվել Բալասանյանի որդու՝ Խաչատուր Բալասանյանի նկատմամբ որպես խափանման միջոց է ընտրվել կալանքը։ Այս մասին 1Lurer.am-ին հայտնել են Դատախազությունից:
Խաչատուր Բալասանյանը ձերբակալվել էր «Զվարթնոց» օդանավակայանում: Առաջին ատյանի դատարանը 70 մլն դրամ գրավի դիմաց նրա նկատմամբ տնային կալանք էր նշանակել, ինչը դատախազությունը բողոքարկել էր։
Հիշեցնենք` Գյումրու Սև բերդ ամրոցին հարակից հողատարածքները օտարելու փաստով քրեական վարույթ է նախաձեռնվել: Ըստ դատախազության՝ գույքը օտարվել է Բալասանյանի որդուն այն դեպքում, երբ այն օտարման ենթակա չի եղել: