Հայաստանի ֆիզկուլտուրայի եւ սպորտի վաստակավոր գործիչ Արտուշ Սարգսյանին նվիրված լողի հանրապետական հուշամրցաշարում բացառիկ արդյունք ցույց տվեցին Գյումրու ջրային մարզաձեւերի մանկապատանեկան մարզադպրոցի սաները: Նրանք նվաճեցին աննախադեպ քանակության՝ 3 տասնյակի հասնող մրցանակներ Երեւանի, Վանաձորի, Էջմիածնի, Աբովյանի եւ Իջեւանի 180 լողորդների հետ դիմակայությունում: Ներկայացնում է Գյումրու ջրային մարզաձեւերի մանկապատանեկան մարզադպրոցի ուսմասվար, մրցումների գլխավոր մրցավար Հովհաննես Մելքոնյանը: