Գեղարքունիքի մարզի համայնքներում շարունակվում է կորոնավիրուսի դեմ պատվաստումային գործընթացը: Այդ մասին ասված է մարզպետարանի Ֆեյսբուքի էջում:
«Մարզպետարանի առողջապահության և սոցիալական ապահովության վարչության հաղորդած տվյալներով՝ 2021 թ. հոկտեմբերի 28-ի դրությամբ մարզում առաջին և երկրորդ դեղաչափերով կատարվել է 50126 պատվաստում, իսկ ընդհանուր հաշվարկով պատվաստվել է 32666 անձ:
Նույն աղբյուրի հավաստմամբ՝ մարզում, նշված օրվա դրությամբ, հետպատվաստումային անբարեհաջող դեպքեր չեն գրանցվել», -նշված է գրառման մեջ: