Ի տարբերություն աշնանացանի՝ գարնանացանի դեպքում պետությունն այս անգամ որեւէ աջակցություն չի նախատեսում, գյուղացին ինքն է հոգալու բոլոր ծախսերը: Ըստ մեր զրուցակցի՝ հովիտցի Նելլի Սարգսյանի՝ մեկ հեկտար գարի մշակելը շուրջ 200 հազար դրամ կարժենա, կնոջ խոսքով՝ մշակման յուրաքանչյուր փուլ ավելի է թանկացել գյուղացու համար:
Շիրակի մարզպետարանի գյուղատնտեսության եւ բնապահպանության վարչության պետ Ռոման Համայակյանն ասում է՝ այս տարի, համեմատությամբ նախորդ տարվա, գներն ավելի մեղմ են: Օրինակ, մեկ պարկ պարարտանյութը հիմա արժե 8000-9000 դրամ, այնինչ՝ նախորդ տարի, պետության սուբսիդավորումը հանած, այն հողագործը գնում էր նվազագույնը 11000 դրամ: