Գալստանյանն իր համախոհների հետ շարժվել է Առաջին ալիք, ինչպես ավելի վաղ հայտարարել էր՝ ուղի եթերի պահանջով:
Հիշեցնենք, այս հայտարարությանն արձագանքելով, Առաջին ալիքը հայտարարել է, որ շարժման մեկնարկից ի վեր Հանրային հեռուստաընկերությունը բազմիցս հրավեր է ուղարկել շարժման առաջնորդներին և հիմնականում ստացել մերժում։
«Նրանք, ովքեր չեն հրաժարվել հարցազրույցից, հյուրընկալվել են մեր եթերում։
Ինչպես նախկինում, հիմա էլ` Հանրային հեռուստաընկերությունը հավատարիմ է իր առաքելությանը, և հրավերն ուժի մեջ է։ Մենք պատրաստ ենք ուղիղ եթերում` հարցազրույցի ձևաչափով, հյուրընկալել Բագրատ Գալստանյանին կամ շարժման առաջնորդներից որևէ մեկին»,- ասված է տարածած հաղորդագրության մեջ: