Աշխարհի ամենամեծ ակվարիումը, որը գտնվում էր Բեռլինում, ուրբաթ առավոտյան փլուզվել է, հայտնում է Associated Press-ը՝ վկայակոչելով գերմանական ոստիկանությանը։
25 մ բարձրությամբ գլանաձև ակվարիումում, որը գտնվում էր Բեռլինի հյուրանոցներից մեկի կենտրոնական սրահում, կային 1500 տարբեր, այդ թվում՝ արևադարձային ձկների հազվագյուտ տեսակներ։ Բոլոր ձկները սատկել են։
Միջադեպի պատճառը դեռ պարզված չէ։ Վարկածներից մեկի համաձայն՝ օդի ջերմաստիճանի անկման պատճառով ակվարիումը ճաքել է, ապա՝ պայթել։
Միջադեպի հետևանքով երկու մարդ թեթև վնասվածքներ են ստացել, փրկարարները շարունակում են աշխատանքը դեպքի վայրում։