Հայստանում կսահմանվի ծնողական ժամ, ըստ որի մինչև 12 տարեկան երեխա ունեցող, ինչպես նաև մինչև 18 տարեկան հաշմանդամության խոր կամ ծանր սահմանափակումով երեխա ունեցող ծնողը, այդ թվում՝ խնամատար ծնողը, որդեգրողը կամ խնամակալը, իրավունք կունենան օգտվելու ծնողական ժամից, այն է՝ բացակայելու աշխատանքից աշխատավարձի պահպանմամբ: Այդ մասին Կառավարության՝ մայիսի 21-ի նիստին ասաց ԱՍՀ նախարարի առաջին տեղակալ Արտյոմ Սմբատյանը: