Կրթության ոլորտում բարեփոխումների իրականացումը Կառավարության օրակարգային հարցերից է: ԿԳՄՍ նախարարությունը դեռ անցած տարվանից էր հանրային քննարկման ներկայացրել հանրակրթության մասին օրենքի փոփոխությունները. դրանցով մի շարք բարեփոխումներ են առաջարկվում կառավարման, ուսուցիչների մասնագիտական զարգացման, ներառական կրթության, հանրակրթության բովանդակության եւ մի շարք այլ առումներով: Ի՞նչ ասել է կրթական բարեփոխում եւ ի՞նչ է այն ենթադրում. հարցերի շուրջ ասուլիս է տեղի ունեցել Մեդիա նախաձեռնությունների կենտրոնում: