Գյումրու Բարեկամության այգու վերակառուցմանը սկսեցին հավատալ գյումրեցիները 88-ի աղետալի երկրաշարժից շուրջ երեք տասնամյակ անց, որովհետեւ այգին հայտնվեց ներդրողների ուշադրության կենտրոնում: Բազմաթիվ ուսումնասիրություններից հետո այս տարի՝ հոկտեմբերի 16-ին, տրվեց զբոսայգու շինարարական աշխատանքների պաշտոնական մեկնարկը: Բոլորովին վերջերս՝ 2018-2019 թթ., այգու տարածքն ազատվեց տնակներից. բնակարաններով ապահովվեցին տարիներ շարունակ այստեղ բնակվողները: