Համայնքային ոստիկանության Արմավիրի բաժնի ծառայողները օպերատիվ տեղեկություններ էին ստացել, որ Ակնալիճ գյուղի 37-ամյա բնակիչը թմրամիջոց է պահում։
Նախաձեռնվել է քրեական վարույթ, որի շրջանակում նոյեմբերի 28-ին կատարված զննությամբ 37-ամյա ակնալիճցու տան տանիքում, խորդանոցում և ավտոտնակում հայտնաբերվել են ընդհանուր 794,79 գրամ կանեփանման չորացված զանգված և գլանակ: Պարզվել է, որ նա հայտնաբերվածը պատրաստել է տնամերձ հողամասում աճեցրած կանեփ տեսակի բույսից:
Կազմված փաստաթղթերը և Ակնալիճ գյուղի 37-ամյա բնակիչը ներկայացվել են Արմավիրի մարզային քննչական վարչություն։
Կատարվում է նախաքննություն: