«Ճանապարհային դեպարտամենտ» հիմնադրամը տեղեկացնում է, որ փետրվարի 20-ին՝ ժամը 20։00-ի դրությամբ, Ապարանի և Աշոցքի տարածաշրջաններում ձյուն է տեղում։
Բքի, ցածր տեսանելիության և տեղ-տեղ մերկասառույցի պատճառով Սպիտակի ոլորանները դժվարանցանելի են։
Բքի պատճառով Թթուջուր-Նավուր ավտոճանապարհը դժվարանցանելի է։
Քուչակից-Միրաք և Արթիկ -Ալագյազ ավտոճանապարհներին բուք է։
Միջպետական և հանրապետական նշանակության բոլոր ավտոճանապարհները բաց են։ Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ: