ՀՀ պետական բյուջեի միջոցներով իրականացվում է Արթիկ համայնքի Սպանդարյան փողոցի ասֆալտապատում։ Պայմանագրային արժեքը՝ մոտ 144 մլն 582 հազար դրամ։ Այս մասին հայտնում են «Ճանապարհային դեպարտամենտ» հիմնադրամից:
Շինաշխատանքների շրջանակում նախատեսված են հողային աշխատանքներ, երթևեկելի մասի նորոգում, մայթերի կառուցում, հենապատի կառուցում և առկա հենապատի նորոգում, ճանապարհի կահավորում և այլն։ Աշխատանքների մի մասն արդեն իսկ իրականացվել է։
Արթիկ համայնքի ղեկավար Անան Ոսկանյանը նշում է, որ փողոցի վերանորոգումը նոր շունչ է տալիս քաղաքին։
Շինաշխատանքների ընթացքին հետևում են, աշխատանքների որակից գոհ են, համագործակցում են շինարարների հետ, եթե առաջարկներ արվում են իրենց կողմից, շինարարներն անմիջապես արձագանքում են։