Փետրվարի 7-8-ը սպասվում է G2-G3 դասի գեոմագնիսական փոթորիկ:
Այս մասին, ըստ «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանի, հայտնել է ԱՄՆ Օվկիանոսների և մթնոլորտի ազգային վարչությունը։
Սպասվող գեոմագնիսական փոթորիկը պայմանավորված է փետրվարի 1-ին, 2-ին և 3-ին տեղի ունեցած մի շարք բռնկումներով որոնք ուղեկցվել են Արեգակից կորոնային զանգվածի արտանետմամբ:
Մասնիկների հոսքը Երկիր կհասնի փետրվարի 7-ին և 8-ին և կստեղծի գեոմագնիսական փոթորիկների շարք: