Բաքուն հանդես է գալիս երկխոսության և առկա հարցերը քննարկելու օգտին՝ հայտարարել է Ադրբեջանի արտգործնախարարը Սլովենիայի արտգործնախարարի հետ համատեղ մամուլի ասուլիսում:
Նա հավելել է՝ Անթալիայում Հայաստանի արտգործնախարար Արարատ Միրզոյանի հետ հանդիպումը բավականին օգտակար էր:
«Այն կարևոր էր, քանի որ առաջինն էր Խաղաղության պայմանագրի տեքստի համաձայնեցումից հետո»,- ընդգծել է նա:
Բայրամովը կրկնել է՝ համաձայնագիրը ստորագրելու համար հարկավոր է, որ Մինսկի խումբը լուծարվի: Նա նաև հերթական անգամ մեղադրել է Հայաստանին՝ Ադրբեջանի նկատմամբ իբր տարածքային պահանջներ ունենալու համար:
«Հանդիպումները հնարավորություն են տալիս ավելի մանրամասն դիտարկելու կողմերի դիրքորոշումները, փաստարկներն ու հիմնավորումները»,- նշել է ադրբեջանցի դիվանագետը։
Նրա խոսքով՝ Սլովենիայի նախարարի հետ հանդիպմանը քննարկել են նաև Հայաստան-Ադրբեջան սահմանազատման գործընթացը: