ԱՄՆ-ի նոր նախագահ Ջո Բայդենի վարչակազմը պատրաստվում Է վերականգնել փոխգործակցությունը ՄԱԿ-ի Մարդու իրավունքների խորհրդի (ՄԻԽ) հետ: Փետրվարի 7-ին այդ մասին հայտնել Է Associated Press (AP) գործակալությունը, տեղեկացնում Է «Արմենպրես»-ը:
Պաշտոնատար անձանց թվից գործակալության աղբյուրների խոսքով՝ ԱՄՆ-ի պետքարտուղար Էնթոնի Բլինկենն արդեն օրվա ընթացքում կհայտարարի այն մասին, որ երկիրը «կվերադառնա Ժնեւում գործող այդ կառույց՝ որպես դիտորդ՝ մտադրվելով հասնել» ՄԻԽ-ի «լիարժեք անդամի ընտրության»: Գործակալությունն արձանագրում Է, որ «այս որոշմումը, հավանաբար, կհարուցի» ԱՄՆ-ում «պահապնողական օրենսդիրների, ինչպես նաեւ Իսրայելի պաշտպանությամբ հանդես եկող ուժրի քննադատությունը: Ինչպես նշված Է նյութում, Բայդենի վարչակազմը կարծում Է, որ ՄԻԽ-ը «պետք Է բարենորոգվի», իսկ դրան հասնելու առավել արդյունավետ մեթոդը «փոխգործակցությունն Է նրանց հետ՝ ղեկավարվելով սկզբունքներով»:
Աղբյուրներից մեկի խոսքով՝ ՄԻԽ-ը «կարեւոր ֆորում Է նրանց համար, ովքեր պայքարում են բռնության եւ անարդարության դեմ ամբողջ աշխարհում: Միացյալ Նահանգների վարչակազմը մտադիր Է մասնակցել ՄԻԽ-ի աշխատանքին, որպեսզի «լիակատր չափով իրականացնի դրա ներուժը», նշված Է հրապարակման մեջ: Վաշինգտոնը 2018 թվականին հայտարարել Էր ՄԱԿ-ի Մարդու իրավունքների խորհրդից դուրս գալու մասին՝ այդ որոշումը պատճառաբանելով ԱՄՆ-ի եւ Իսրայելի նկատմամբ կազմակերպության կանխակալ վերաբերմունքով, հաղորդել Է ՏԱՍՍ-ը: