Իր ամենշաբաթյա ճեպազրույցում ՌԴ ԱԳՆ պաշտոնական ներկայացուցիչ Մարիա Զախարովան անդրադարձել է Ռուսաստանի և Հայաստանի միջև երկաթուղային հաղորդակցության վերականգնմանը:
«Մենք գործադրում ենք բոլոր ջանքերը՝ իրագործելու նախանշված մեծածավալ ճանապարհային քարտեզը։ Այս ճանապարհային քարտեզը, եթե կարելի է այսպես ասել, ներառում է և՛ պետությունների ղեկավարների մակարդակով ստորագրված փաստաթղթերը, և՛ մեր երկրների կառավարությունների ներկայացուցիչների հովանու ներքո գործող համապատասխան հանձնաժողովները։ Իմ կարծիքով՝ ամենօրյա ռեժիմով ամեն ինչ արվում է, որպեսզի այդ ամենն իրագործվի»,- ասել է Զախարովան։