Շախմատի աշխարհի կրկնակի չեմպիոն, Հայաստանի բոլոր ժամանակների լավագույն շախմատիստ Տիգրան Պետրոսյանի անունը կրող շախմատի մանկապատանեկան մարզադպրոցում առանձին դասացուցակով սկսնակ երեխաների հետ աշխատում են մարզիչներ Հայկ Մկրտչյանը, Արթուր Հարությունյանը, Էմանուել Օհանյանն ու Անուշիկ Գրիգորյանը: Նրանցից յուրաքանչյուրն ունի իր մոտեցումը, փոքրիկ շախմատիստների հետ աշխատելու իր մեթոդը, սակայն կարեւորն այն է, որ նրանք ամեն ինչ անում են երեխաներին կապելու այս ինտելեկտուալ ու իմաստուն խաղին: Իսկապես, ամենաբարդը 1-ին քայլերն անող երեխաների հետ աշխատելն է: