Շուրջ երեք տարի առաջ կառավարությունը հայտարարեց ակադեմիական քաղաք կառուցելու մտադրության մասին, որն, ըստ հայեցակարգի, պետք է ամբողջ ծավալով գործի 2030-ից։ Ի՞նչ է առաջարկվում հայեցակարգով և ի՞նչ ճակատագիր է սպասվում մարզային բուհերին։ Գյումրու բարձրագույն կրթության հաստատությունների ղեկավարներն ու ոլորտի մասնագետները նախ բացատրում են՝ ի՞նչ է ակադեմիական քաղաքը, ի՞նչ ռիսկեր ու հնարավորություններ ունի: Հետազոտական աշխատանքների ու կրթական որակի բարելավման տեսանկյունից Գյումրիում ծրագիրը դրական են գնահատում, բայց ինչպե՞ս անել, որ լավ գաղափարը չարիք չդառնա, դեռ պետք է անցնել բարդ ու կշռադատված ուղի: