Լեռնային Ղարաբաղում ռազմական գործողությունների ընթացքում Ադրբեջանի նախագահ Իլհամ Ալիևը Ֆրանսիայի իշխանություններին առաջարկել է հայերին տալ Մարսել քաղաքը: Նա դա հիշեցրել է ժողովրդին ուղղված իր ուղերձի ժամանակ, փոխանցում է РИА Новости-ն:
Այդ կերպ, Ադրբեջանի ղեկավարն արձագանքել է Ֆրանսիայի Սենատի կողմից Լեռնային Ղարաբաղի Հանրապետության (ԼՂՀ) անկախությունը ճանաչելու բանաձևի ընդունմանը և ադրբեջանական զորքերը տարածաշրջանից դուրս բերելու պահանջին:
Ալիևը հայտարարել է, որ Ֆրանսիայի խորհրդարանը ոչ մի կապ չունի ղարաբաղյան խնդրի հետ:
«Ֆրանսիայի Սենատը որոշում է ընդունում Լեռնային Ղարաբաղը ճանաչելու մասին: Եթե նրանք ձեզ դուր են գալիս, ապա, ինչպես ես ասացի պատերազմի շրջանում, տվեք Մարսել քաղաքը, փոխեք անունը, այնտեղ նրանց համար ստեղծեք երկրորդ պետություն», – հորդորել է Ադրբեջանի նախագահը: