Ադրբեջանի նախարարների կաբինետի որոշմամբ ստեղծվել է Պետական սահմանի սահմանազատման քարտուղարություն՝ բաղկացած5 հաստիքային միավորից։ Այս մասին հայտնում են տեղի լրատվամիջոցները:
Ըստ որոշման՝ Ադրբեջանի և Հայաստանի միջև պետական սահմանի սահմանազատման պետական հանձնաժողովի ընթացիկ աշխատանքները կազմակերպելու նպատակով ստեղծվում է հանձնաժողովի քարտուղարություն, որոշվել են դրա գործունեության ուղղությունները։
Նշենք, որ Հայաստանի վարչապետ Նիկոլ Փաշինյանը և Ադրբեջանի նախագահ Իլհամ Ալիևը մայիսի 23-ին հրամանագրեր են ստորագրել սահմանների սահմանազատման և անվտանգության հանձնաժողովներ ստեղծելու մասին։ Մայիսի 24-ին կայացել է հայ-ադրբեջանական սահմանի սահմանազատման հարցերով երկկողմ հանձնաժողովի առաջին նիստը, ամռանը կայացել է երկրորդը: