Ադրբեջանը դրական է արձագանքել սահմանազատման հարցով հանձնաժողովների հանդիպում անցկացնելու՝ հայկական կողմի առաջարկին. Մհեր Գրիգորյան

Ադրբեջանը դրական է արձագանքել Հայաստանի ու Ադրբեջանի միջև սահմանազատման հարցով հանձնաժողովների հանդիպում անցկացնելու՝ հայկական կողմի առաջարկին։ Այդ մասին լրագրողների հետ ճեպազրույցի ժամանակ ասաց ՀՀ փոխվարչապետ Մհեր Գրիգորյանը:

«Այո, դրական պատասխան է, բայց հանդիպման վայրի, ժամի ու ամսաթվի մասով դեռ պայմանավորվածություն չունենք, բայց ենթադրում եմ՝ մոտ ժամանակներում հանդիպում կունենանք»,- ասաց Գրիգորյանը։

Հիշեցնենք, որ հայ-ադրբեջանական սահմանին լարվածություն առաջացնող հարցերի քննարկման համար Հայաստանի փոխվարչապետ Մհեր Գրիգորյանը Հայաստանի ու Ադրբեջանի միջև սահմանազատման հարցերով հանձնաժողովի հանդիպում անցկացնելու առաջարկ է ուղարկել Ադրբեջանի փոխվարչապետ Շահին Մուստաֆաևին:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում