Իրանի արտաքին գործերի նախարար Աբբաս Արաղչին հայտարարել է, որ Իրանի ռազմական ուժերը չեն թիրախավորում Մերձավոր Արևելքի հարևան երկրները, այլ միայն այնտեղ գտնվող ամերիկյան օբյեկտները։ Նա ասել է, որ Իրանը պատասխանում է ԱՄՆ-ի և նրա դաշնակիցների կողմից իր տարածքին հասցված հարվածներին։
«Սխալ է մտածել, որ Իրանը հարձակվում է իր հարևանների վրա։ Մենք չենք հարձակվում մեր հարևանների վրա։ Մենք թիրախավորում ենք ամերիկյան բազաները, ամերիկյան օբյեկտները, ամերիկյան ակտիվները, որոնք, ցավոք, գտնվում են մեր հարևանների տարածքում։ Հետևաբար, մենք չենք հարձակվում մեր հարևանների վրա։ Մենք թիրախավորում ենք մեզ վրա հարձակվող ամերիկացիներին»,- ասել է Արաղչին ամերիկյան NBC հեռուստաալիքին տված հարցազրույցում։